"Neftçi"nin legioneri Alfa Konte şərəfini qoruduğu Syerra Leone millisinin düşərgəsinə yollanmayacaq.
Sportinfo.az klubun mətbuat xidmətinə istinadən xəbər verir ki, buna səbəb yığmanın oyunlarının ləğv olunmasıdır.
Syerra Leone millisi martın 22-də və 25-də Sudan və Botsvana ilə yoldaşlıq görüşləri keçirməli olsa da, hər iki komanda sözügedən matçlardan imtina edib.
Alfa Konte "Neftçi"yə bu ilin əvvəlində Bolqarıstanın "Lokomotiv" klubundan keçib.