“Neftçi”nin sabiq baş məşqçisi Adrian Mutunun yeni klubu məlum olub.
Sportinfo.az xəbər verir ki, rumıniyalı mütəxəssis ölkəsində ÇFR-i çalışdıracaq.
Bunu klubun sahibi Nelu Varqa "İAMsport"a açıqlayıb. O, bildirib ki, ölkə çempionatının 22-ci turunda “Botoşani”yə məğlubiyyətdən sonra baş məşqçi Andrea Mandorlini istefaya göndərilib:
"Bəli bu doğrudur. Komandanın belə oynamasına dözə bilmirəm.
Mutu ilə ötən il də danışmışdım. Sonra anası vəfat etdi. Mutu ilə bir-birimizi başa düşmüşük.
Onunla müqavilənin detallarını müzakirə edəcəyik. Yeni baş məşçimizin adı Mutudur".
ÇFR hazırda 36 xalla turnir cədvəlinin 2-ci pilləsində qərarlaşıb. Adrian Mutu ötən ay "Neftçi" ilə yollarını ayırıb.
