"Neftçi"nin italiyalı hücumçu Andrea Kompanyonu transfer etmək istəməsi ilə bağlı xəbərlər yayılıb.
Sportinfo.az xəbər verir ki, "ağ-qaralar"ın sabiq baş məşqçisi Adrian Mutu FCSB-nın forvardı ilə bağlı Rumıniya mətbuatına məlumat verub.
O, "Digi Sport"a verdiyi açıqlamada "Neftçi"dən Kompanyo haqda ondan məlumat aldıqlarını bildirib:
"Bu haqda eşitmişəm. “Neftçi" rəsmiləri məndən Andrea Kompanyo haqda soruşdular.
Onlara dedim ki, bəli, o, ötən mövsüm Duqandziçlə bombardirlik titulu uğrunda mübarizə aparan futbolçudur".
FCSB Andrea Kompanyonu 2022-ci ilin yayında "Universitatya Krayova"dan transfer edib.
27 yaşlı hücumçu bu mövsüm komandanın heyətində meydana çıxdığı 22 rəsmi matçda 4 qol vurub. Onun müqaviləsi mövsümün sonunda başa çatır.
