“Lokomotiv”in Alfa Konteni Azərbaycan klubuna satmasını dünən xəbər vermişdik.
Bolqarıstan təmsilçisi Syerra-Leoneden olan vingerin “Neftçi“yə keçidinə “yaşıl işıq“ yandırıb.
“Lokomotiv“ rəhbərliyi cinah yarımmüdafiəçisi üçün yarım milyon bolqar levindən çox (təxminən 480 min manat) pul əldə etməyi qarşısına məqsəd qoymuşdu.
Sonda Plovdiv komandası 23 yaşlı afrikalının transferindən 300 min dollar civarında qazanca razılaşıb.
“Lokomotiv”də 13 oyun keçirən və 3 qol vuran Konte bugünlərdə Bakıya gələcək. Tibbi baxışdan uğurla keçərsə, onunla 2+1 illik müqavilə imzalanacaq.
Adıçəkilən legioner Azərbaycanda ilinə 200 min dollara kimi vəsait qazanacaq.
SPORTİNFO.AZ
