"Neftçi"nin baş icraçı direktoru Fərrux Mahmudov klubun televiziyasına açıqlamalar verib.
Sportinfo.az xəbər verir ki, klub rəhbəri hazırda komandada pozitiv ab-hava olduğunu bildirib.
O, "Neftçi"nin hədəfləri haqda da danışıb:
"Komandada çoxdan idi müsbət atmosfer görmürdüm. İndi bunu görürəm.
Bu, çox xoş idi. Futbolçular komandaya pozitiv ruhla qayıdıblar. Ötən il çətin keçdi.
Buna baxmayaraq, 3-cü pillədə qərarlaşmışıq. Mübarizəyə hazır olmalıyıq. Hədəfimiz avrokuboklara vəsiqə qazanmaqdır. İnanıram ki, yaxşı olacaq".
Fərrux Mahmudov klubun transfer planları barədə də danışıb:
"Yeni baş məşqçi ilə yanaşı, məşqçilər korpusu da burdadır. İdman departamentimiz 50-dən çox oyunçuya baxıb, 5-nə fokuslanıb.
Artıq 2 oyunçuya təklif göndərilib, bunlar hücumçulardır. Biri sağ vinger də oynaya bilir.
Təəssüf ki, adlarını çəkə bilmərəm. "Neftçi"dən ancaq qələbə gözləyirəm".
