“Neftçi”nin sabiq baş məşqçisi Adrian Mutu Rumıniya mətbuatına danışıb.
Sportinfo.az xəbər verir ki, “GSP”yə açıqlama verən gənc mütəxəssis “Sabah”ın Türkiyənin Antalya şəhərində Rumıniya “Rapid”i üzərində yoldaşlıq görüşündə qazandığı qələbəni (2:1) şərh edib.
O, Azərbaycan Premyer Liqasının səviyyəsinə toxunub:
"Hesab edirəm ki, “Sabah”ın qələbəsindən sonra artıq hər kəsə aydın oldu ki, Azərbaycan komandaları bəzilərinin düşündüyü qədər zəif deyil.
“Rapid”lə oyuna baxmamışam. Amma təsəvvür edin, "Sabah" turnir cədvəlində 8-ci pillədədir.
Fikir verin, çempionatda 8-ci pillədə qərarlaşan “Sabah” “Rapid”i üstələdi və mənimlə “Neftçi” mövsümün ilk yarısını 2-ci pillədən 1 xal geri qalaraq 3-cü pillədə başa vurdu.
Bu, güclü çempionatdır, hər şey balanslıdır və orada “Qarabağ” üstünlük təşkil edir”.
