“Fanatlarımızın narazılığını başa düşürəm, həqiqətən də haqlıdırlar“.
Bu sözləri Sportinfo.az-a açıqlamasında “Neftçi“nin yarımmüdafiəçisi Eddi İsrafilov deyib.
O, komandadan incik düşən azarkeşlərin mövqeyinə haqq qazandırıb:
“Komandanın vitse-kapitanı olaraq onların etirazını anlayışla qarşılayıram. Bir şıeyi bilsinlər ki, biz futbolu azarkeşlərimiz üçün oynayırıq və onların dəstəyinə ehtiyacımız var.
Tərəfdarlarımızla əl-ələ tutaraq, uğurları birlikdə əldə edə bilərik. Başa düşürəm, qeyri-sabit nəticələr onları qəzəbləndirir.
Ümid edirəm ki, ən qısa zamanda azarkeşlərimizlə barışıq sazişi imzalanacaq“.
