![Emin Mahmudovun bəxti - Azərbaycanda yalnız “Neftçi”nin formasını geyinmək](https://www.sportinfo.az/media/2024/04/08/0e9239f2-5135-3e76-a24a-df5f8978bee6_850.jpg)
“Neftçi”nin lideri Emin Mahmudov Azərbaycan çempionatlarında yubiley qolunu vurub.
Sportinfo.az Peşəkar Futbol Liqasının rəsmi saytına istinadən xəbər verir ki, “ağ-qaralar”ın kapitanı Premyer Liqanın XXIX turunda “Sumqayıt”la görüşdə fərqlənərək, ölkə çempionatlarında ümumi qol sayını 40-a çatdırıb.
Azərbaycanda yalnız “Neftçi”nin formasını geyinən 32 yaşlı yarımmüdafiəçi bütün qollarını Bakı klubunun heyətində vurub. O, 2017/2018 mövsümündən “Neftçi”nin formasını geyinir.
Emin Mahmudov klubun tarixində Azərbaycan çempionatlarında ən azı 40 qol vuran 5-ci futbolçudur.