AFFA İntizam Komitəsi "Neftçi"ni 1300 manat cərimələyib.
Sportinfo.az xəbər verir ki, ağ-qaralar" Premyer Liqanın XIV turunda "Araz-Naxçıvan"la matç (1:1) başa çatdıqdan sonra meydana kənar şəxslərin daxil olmasına görə 800 manat cərimələnib.
Görüşün 90+3-cü dəqiqəsində “Neftçi” azarkeşləri tərəfindən rəqib futbolçunun ünvanına kütləvi şəkildə təhqiramiz ifadələr səsləndirilib və bu hal cari mövsümdə ikinci dəfə yaşandığına görə paytaxt təmsilçisi 500 manat cərimə edilib.
