“Brayton” “Mançester Siti”nin yarımmüdafiəçi Mark Kukurella üçün təklifini rədd edib.
Sportinfo.az xəbər verir ki, “şəhərlilər” 23 yaşlı ispaniyalı üçün 30 milyon funt-sterlinq təklif ediblər.
“Brayton” bu məbləğə görə futbolçusu ilə yollarını ayırmaqdan imtina edib. “Qağayılar” futbolçu üçün 50 milyon funt sterlinq istəyir.
“Mançester Siti”nin yeni təkliflə çıxış etməyə və məbləği bir qədər artırmağa hazır olduğu bildirilir.
Kukurella “Brayton”da ötən mövsüm bütün turnirlərdə 38 oyunda 1 qol vurub və 2 məhsuldar ötürmə verib.
