Azərbaycan İdman Akademiyası (ASA) ilə Azərbaycan Futbol Federasiyaları Assosiasiyasının (AFFA) birgə əməkdaşlığı çərçivəsində UEFA-nın “C” kateqoriyalı məşqçi kursu keçiriləcək.
Sportinfo.az xəbər verir ki, məşğələ 7 aprel - 30 iyun tarixləri arasında təşkil ediləcək.
Kurs akademiyanın “Məşqçilik” (futbol) ixtisası üzrə bakalavriat səviyyəsinin IV kurs tələbə və məzunlarını əhatə edəcək.
Bununla əlaqədar ASA-nın Keyfiyyət təminatı və ömürboyu təhsil üzrə prorektoru Rafail Novruzov və “Məşqçilik” tədris proqramının rəhbəri İlqar Əliyev kursun başlaması ilə bağlı çıxış ediblər.
Daha sonra AFFA-nın təlimçiləri Cahangir Həsənzadə, Aslan Kərimov və Osman Rəhimovun ASA-nın professor-müəllim heyətindən seçilən kursun təcrübi hissəsində iştirakçılarla işləyəcək metodist-təlimatçılarla görüşü olub.
.jpg)
