Ölkənin idman həyatında yaxından iştirak edən «YaaRa tekstil»in təsisçisi və direktoru Yaqut Bayram «CBC Sport»un qonağı olub.
Aidə Əliyevanın təqdimatında yayımlanan «90 dəqiqə»də iştirak edən tanınmış xanım iş adamı bu sahədə gördükləri fəaliyyət barədə geniş söhbət açıb.
O, 2024-cü ildən bəri yeni idman brendinin yaradılması yönündə atılan addımları sadalayıb, Bu sahəyə sevgi ilə yanaşdıqlarını bildirən
Y.Bayram diqqətə çatdırıb ki, «YaaRa» təqdim etdiyi məhsulun keyfiyyəti ilə fərqlənir.
Müsahib gənclər və idman naziri Fərid Qayıbova verdiyi dəstəyə görə təşəkkürünü dilə gətirib, onunla görüşünün kifayət qədər yüksək səviyyədə keçdiyini söyləyib.
Y.Bayram futbol və idman klublarının yerli brendlərə üstünlük verməsinin zamanının çatdığını vurğulayıb.
Direktor «YaaRa»nın istər dizaynına, istər qiymətlərinə, istərsə də keyfiyyətinə görə bütün tələbləri ödədiyini açıqlayıb.
SPORTİNFO.AZ
