AEK (Yunanıstan) Macarıstan millisinin futbolçusu Barnabas Varqanı heyətinə qatıb.
Sportinfo.az xəbər verir ki, bu barədə klubun mətbuat xidməti məlumat yayıb.
32 yaşlı hücumçu ilə 2029-cu ilin yayına qədər müqavilə imzalanıb.
Bundan öncə ölkəsində "Ferentsvaroş"un formasını geyinən futbolçu cari mövsüm Macarıstan çempionatında 17 oyunda 10 qol vurub və 4 məhsuldar ötürmə ilə yadda qalıb.
Macarıstanlı futbolçu Çempionlar Liqasında 6 matçda 6 qol, Avropa Liqasında isə 6 qarşılaşmada 4 qol vuraraq diqqət çəkib.
Barnabas Varqan Çempionlar Liqasının pley-off mərhələsində bu mövsüm vurduğu 6 qoldan 2-ni "Qarabağ"ın qapısından keçirib.
