Elityada qalmaq uğrunda mübarizə aparan “Karvan-Yevlax”da daha bir ayrılıq gerçəkləşib.
Səid İranxanın ardınca daha bir futbolçu yola salınıb.
Bu, Premyer Liqada şans qazanmayan, yalnız Azərbaycan kubokunda 35 dəqiqə meydanda olan Nika Çaçaşvilidir.
21 yaşlı sağ cinah müdafiəçisinin ad-soyadı Gürcüstana xas olsa da, Azərbaycan vətəndaşlığını daşıyır. Bu, valideynlərindən birinin Azərbaycan vətəndaşı olmasına görədir.
Maraq üçün bildirək ki, iki futbolçu ilə yollarını ayıran bölgə təmsilçisi iki oyunçu ilə güclənib.
“Sumqayıt”dan ayrılan Rauf Rüstəmli ilə “Mingəçevir”i tərk edən Samir Abdullayev bundan sonra ağ-qara formanı geyinəcək.
HƏBİB / SPORTİNFO.AZ
