“Barselona” ilə Çempionlar Liqasının ikiqat qalibi olan fransalı sabiq futbolçu Erik Abidal ölümü ilə bağlı yayılan xəbərləri təkzib edib.
Sportinfo.az xəbər verir ki, bu barədə o, sosial şəbəkə hesabında yazıb.
2011-ci ildə qaraciyər şişi diaqnozu qoyulan sabiq futbolçunun bəzi xəbər portallarında ölümü ilə bağlı xəbər tirajlanıb. 46 Abidal məsələyə bu cür münasibət bildirib:
“Bu cür söz-söhbətlər olmamalıdır. Ailəmlə buradayam, yaxşıyam. Hər şeyə aydınlıq gətirmək üçün bunu yazdım. Dəstəyinizə görə təşəkkür edirəm. Gəlin, daha vacib məqamlara diqqət yetirək”.
Abidal futbolçu karyerası ərzində “Barselona”dan başqa, Fransanın “Monako”, “Lill” və “Lion”, Yunanıstanın “Olimpiakos” klublarında çıxış edib.
