“Əl-Nəsr”in hücumçusu Kriştiano Ronaldo Səudiyyə Ərəbistanı çempionatında mart ayının ən yaxşı oyunçusu seçilib.
Sportinfo.az xəbər verir ki, portuqaliyalı futbolçu mart ayında 3 matçda iştirak edib və 4 qol vurub.
Ronaldo 2023-cü ilin əvvəlindən “Əl-Nəsr”də çıxış edir.
Ümumilikdə o, bu mövsüm Səudiyyə Ərəbistanı klubunun heyətində bütün turnirlərdə 34 oyunda 33 qol vurub və 11 məhsuldar ötürmə edib.
Hazırda “Əl-Nəsr” 25 oyundan 59 xal toplayaraq Səudiyyə Ərəbistanı çempionatının turnir cədvəlində ikinci yerdədir.
