UFC-nin prezidenti Deyn Uayt təşkilatın azərbaycanlı azarkeşlərini sevindirəcək açıqlama verib.
Sportinfo.az xəbər verir ki, amerikalı funksioner yenidən ölkəmizə gələcəklərini bildirib.
O, bu barədə "Fox Sports Australia" kanalına müsahibəsində danışıb.
"Tezliklə Azərbaycana qayıdacağıq. Gürcüstan və Cənubi Afrika Respublikasına da getməyi planlaşdırırıq", - deyə Uayt UFC-nin gələcək planlarından danışarkən bildirib.
UFC-nin Bakıdakı ilk turniri ötən il "Kristal Holl"da baş tutub. Həmin döyüş gecəsində Rafael Fiziyev, Tofiq Musayev və Nazim Sadıxov ölkəmizi təmsil edib. Onlardan yalnız Musayev məğlub olub.
