Azərbaycan Ordusu sentyabrın 27-dən noyabrın 10-dək Qarabağda apardığı uğurlu əks-hücum əməliyyatları sayəsində böyük zəfər qazandı.
Torpaqlarımızın azadlığı uğrunda gedən döyüşlərdə neçə-neçə igid oğullarımız qəhrəmanlıq göstərərək, şəhidlik zirvəsinə yüksəldi.
44 günlük müharibə müddətində cəbhəyə könüllü gedənlərdən biri də əslən Naxçıvandan olan Bakı sakini Niyamin Niftalızadə idi. O, torpaq uğrunda caını fəda edən əsgərlərimizdəndir.
Döyüş yoldaşları 23 yaşlı Niyaminin Cəbrayıl istiqamətində gedən döyüşlərdə 2 tankı vurduğunu və taboru xilas etdiyini bildiriblər.
Niftalızadə Niyamin Xaliq oğlu oktyabrın 7-də şəhid olub. Cənazəsi oktyabrın 8-i ailəsinə təhvil verilib, ayın 9-u isə dəfn olunub.
Anasının istəyi ilə onun məzarının üstünə sarı güllər və atributlar düzülüb, "Fənərbağça" forması sərilib. Çünki bu, Niyaminin arzusu olub.
SPORTİNFO.AZ
