![Emil Mustafayev Ukraynada qol vurdu, komandası qələbə qazandı](https://www.sportinfo.az/media/2024/04/08/428287859_17987641826620547_8314074412856198887_n_11712579737.jpg)
Ukrayna Premyer Liqasında 23-cü turun görüşləri keçirilir.
Sportinfo.az xəbər verir ki, Azərbaycan millisinin üzvü Emil Mustafayevin formasını geyindiyi "Polesye" səfərdə "Minay"ın qonağı olub.
Qarşılaşma qonaqların 3:2 hesablı qələbəsi ilə başa çatıb.
Emil Mustafayev də bu oyunun iştirakçısı olub. 22 yaşlı yarımmüdafiəçi matça start heyətdə başlayıb və 90 dəqiqə meydanda olub.
O, 59-cu dəqiqədə komandasının 3-cü qolunu vurub.
Xallarını 36-ya yüksəldən "Polesye" turnir cədvəlinin 6-cı pilləsində qərarlaşıb.