Bu həftə Azərbaycan Premyer Liqasında 13-cü tur keçirilir.
Tur Yevlaxda başlayıb, Tovuz, Quba, Şamaxını fırlanıb Qəbələdə sona çatacaq.
Bakıda yalnız bir oyun - "Qarabağ" - "Karvan-Yevlax" matçı keçiriləcək.
İllərdi arzuladığımız, gözlədiyimiz, istədiyimiz tablodur.
Hə, buna rahatlıqla Azərbaycan çempionatı demək olar.
Xatırladaq ki, Yevlaxda "Kəpəz" - "Zirə" oyunu, Tovuzda "Turan Tovuz" - "Neftçi", Qubada "İmişli" - "Sabah", Şamaxıda "Şamaxı" - "Sumqayıt", Qəbələdə isə "Qəbələ" - "Araz Naxçıvan" qarşılaşması baş tutacaq.
Ümid edək ki, yaxın gələcəkdə "Kəpəz" Gəncəyə, "İmişli" isə İmişliyə qayıdacaq.
Qalır sabitliyi qorumaq, reqlamentə əməl etmək və peşəkar idarəçilik sistemi qurmaq.
Onda rəqabət də olacaq, azarkeş də...
XANOĞLAN / SPORTİNFO.AZ
