Əliyar Ağayev AFFA Hakimlər Komitəsinin sədri Frank De Blekerin qəzəbinə tuş gəlib.
Belə ki, belçikalı mütəxəssis FİFA dərəcəli hakimi cəzalandırıb.
Ağayevin Premyer Liqanın 12-ci turunda təyinat almaması birbaşa bununla bağlıdır.
Səbəb isə 11-ci turun "Zirə" - "Turan Tovuz" görüşündə səhvə yol verməsi olub.
Təcrübəli hakim ikinci yarının gedişində Brahim Konateni qırmızı vərəqə ilə meydandan qovmuş, ardınca VAR-a baxaraq qərarını ləğv etmişdi.
Turun icmalında De Bleker hakimin bu addımını səhv olaraq dəyərləndirmişdi.
Əvvəlki turlarda daha böyük xətası olan referiləri bağışlayan əcnəbi mütəxəssis bu dəfə güzəştə getməyib.
XANOĞLAN / SPORTİNFO.AZ
