Avropa Liqasının qrup mərhələsində keçirilən "Düdelanj" - "Qarabağ" matçında xoşagəlməz hadisələr yaşanır.
Sportinfo.az xəbər verir ki, Ağdam klubunun ikinci qolundan sonra meydanda erməni təxribatı baş verib.
Qarşılaşma təxminən 20 dəqiqədən çox oynanılmayıb. Belə ki, matçın 31-ci dəqiqəsində dronla meydanın mərkəzinə qondarma rejimin "bayrağı" gətirilib.
Bu isə "Qarabağ"ın futbolçularının kəskin etirazına səbəb olub. Təxribata görə qarşılaşmanın baş hakimi oyunu yarımçıq saxlayıb. Komandalar soyunub-geyinmə otağına yollanıb.
