Minskdə II Avropa Oyunları çərçivəsində keçiriləcək bədii gimnastika və akrobatika üzrə yarışların püşkü atılıb.
Sportinfo.az xəbər verir ki, turnirdə Azərbaycan idmançılarının da xalçaya çıxacaqları nömrə dəqiqləşib.
Belə ki, fərdi çoxnövçülük yarışında gimnastımız 2-ci nömrə altında çıxış edəcək. Burda 12 idmançı mübarizə aparacaq.
Qrup hərəkətləri üzrə 8 komandanın qatılacağı Minsk-2019-da Azərbaycan xalça üzərinə 4-cü çıxacaq.
Yığmamız akrobatikada kişilərin və qadınların mübarizəsində yer almayacaq. Komandamız qarışıq cütlərdə qüvvəsini sınayacaq.
Gimnastlarımız balans hərəkətlərinə 3-cü, dinamik hərəkətlərə 8-ci, kombinə olunmuş hərəkətlərə 7-ci çıxacaq. Gimnastikanın bu növləri üzrə yarışları iyunun 22-23-də “Minsk-arena”da olacaq.
