"Kəpəz"də 2 problem var

13 Fevral 09:56 I Divizion 322
"Kəpəz"də 2 problem var

Bu gün I Divizionda XV turun oyunlarına start veriləcək. Tur çərçivəsində “Kəpəz” Gəncə şəhər stadionunda “Keşlə-2” komandasını qəbul edəcək.

Sportinfo.az xəbər verir ki, “sarı-göylər” görüşöncəsi son məşqə matçın keçiriləcəyi arenada çıxıblar.

Hazırlıq prosesi təxminən 45 dəqiqə sürüb və yüngül xarakter daşıyıb. Çalışmalarda toplu hərəkətlərə üstünlük verilib.

Bakı kollektivi ilə oyuna “Kəpəz” itkilərlə çıxacaq. Komandanın iki futbolçusu cəzalıdır. Novruz Məmmədov sarı vərəqə limitinə görə kənarda qalacaqsa, Orxan Abdullayev ötən tur qırmızı vərəqə aldığı üçün qarşılaşmanı tribunadan izləyəcək.

“Kəpəz” – “Keşlə-2” matçı fevralın 13-ü saat 14:00-da başlayacaq.

Digər Xəbərlər
Xəbər Lenti