Avropa Liqasının II təsnifat mərhələsində “Neftçi” ilə qarşılaşacaq “Qalatasaray” yola düşüb.
Sportinfo.az xəbər verir ki, İstanbul təmsilçisini Bakıya gətirən təyyarə az öncə havaya qalxıb.
Çarter reysi ilə ölkəmizə yollanan “sarı-qırmızılılar”ın tərkibində məşqçilər korpusu və nümayəndə heyəti ilə yanaşı, 20 futbolçu yer alıb.
Saat 18:00-da baş məşqçi Fatih Terimin mətbuat konfransı, 18:30-da isə "Qalatasaray"ın ilk 15 dəqiqəsi mətbuat üçün açıq olan məşqi nəzərdə tutulub.
Sentyabrın 17-də Bakı Olimpiya Stadionunda keçiriləcək "Neftçi" - "Qalatasaray" matçı saat 21:00-da başlanacaq.
