Azərbaycan millisinin futbolçusu Araz Abdullayev Türkiyənin I Liqasında çıxış edən "Boluspor"a keçməsindən xəbərdarsıız.
28 yaşlı yarımmüdafiəçi ilə 1+1 illik müqavilə bağlanılıb.
Abdullayev "Neftçi"nin yetirməsidir. O, Bakı klubundan "Everton"a transfer olunub. Yunanıstanda "Panionios", Kiprdə "Anortosis", həmçinin, "Qəbələ" və "Qarabağ"da da forma geyinib.
Bu yay Ağdam klubundan ayrılan Arazın "Boluspor"a keçidinin detalları ilə bağlı Sportinfo.az-a yeni bilgilər daxil olub. Belə ki, onun Türkiyəyə yollanmasına İlqar Qurbanov köməklik göstərib.
Vaxtilə "Boluspor"un formasını geyinmiş millinin keçmiş futbolçusu Arazı təmənnasız olaraq yaxşı tanıdığı türkiyəli menecerlərlə əlaqələndirib. Həm Qurbanov, həm də agentlər
Bolunun eyniadlı klubunun rəhbərliyinə Abdullayevə görə zəmanət verib: "Əgər ona 1 il şans versəz, gələn mövsüm kifayət qədər yüksək məbləğə Super Liqa klublarından birinə sata bilərsiz".
SPORTİNFO.AZ
