"Qarabağ"ın sabiq qapıçısı, hazırda "Erzurumspor"da oynayan İbrahim Şehiç cari mövsüm Türkiyə birinci liqasında ən az qol buraxan qapıçı olub.
Sportinfo.az xəbər verir ki, bosniyalı qolkiper birinci liqada bütün 34 matçda 90 dəqiqə meydanda olub və cəmi 26 qol buraxıb.
Bununla da, o, komandasının Türkiyə Superliqasına vəsiqə qazanmasında böyük rol oynayıb.
"Erzurumspor" 1-ci liqanı 62 xalla 2-ci pillədə tamamlayıb və elitaya yüksəlib. Şehiç 2013-18-ci illərdə “Qarabağ”da oynayıb.
