“Fənərbaxça” klubu futbolçusu Ozan Tufanla müqavilə yeniləyib. Sportinfo.az xəbər verir ki, bu barədə İstanbul təmsilçisinin rəsmi saytı məlumat yayıb.
Türkiyə yığmasının üzvü ilə klubu arasındakı yeni müqavilənin müddəti 3+1 illikdir. Amma yeni anlaşma növbəti mövsümdən etibarən qüvvəyə minəcək. Əvvəlki müqavilənin müddəti 2020-ci ilin yayında başa çatacaq.
“Bursaspor”un yetirməsi olan Ozan Tufan, “Fənərbaxça”da 2015-ci ildən çıxış edir. O, bu ilin əvvəlini “Alanyaspor”da icarədə keçirib. Türkiyə millisində 50-yə yaxın oyun keçirən yarımmüdafiəçi 5 qol müəllifi olub.
