2020-ci il Tokio Yay Olimpiya Oyunlarına lisenziya xarakterli voleybolçu qadınlar arasında Avropa Təsnifat Turnirinin qalibi müəyyənləşib.
Sportinfo.az xəbər verir ki, Niderlandınn Apeldorn şəhərində keçirilmiş yarışın finalında Türkiyə və Almaniya milliləri üz-üzə gəlib.
Görüş "ay-ulduzlular"ın qələbəsi ilə yekunlaşıb - 3:0 (25:17, 25:19, 25:22). Bununla da Türkiyə millisi olimpiadaya lisenziya qazanıb.
Avropa Təsnifat Turnirində Azərbaycan yığması da çıxış edib. Vаsif Tаlıbovun baş məşqçi olduğu kollektiv qrupdakı hər 3 oyunundan məğlub ayrılaraq, mübarizəni dayandırıb.