Növbəti mövsümdə avrokuboklarda iştirak edəcəyi dəqiqləşən "Sabah" azarkeşlərini də səfər oyununa aparacaq.
Sportinfo.az xəbər verir ki. bu barədə Masazır təmsilçisinin rəsmi saytı məlumat yayıb.
Klubun təşkil etdiyi müsabiqədə qalib olan 3 azarkeş komandanı səfər matçında dəstəkləmək imkanı qazanacaq:
"Əziz azarkeşlər, bu il “Sabah” tarixində ilk dəfə avrokuboklarda çıxış edəcək.
Bu tarixi anları bizimlə yaşamaq üçün #SabahlaAvropaya müsabiqəsinə qoşula bilərsiniz.
Müsabiqənin qalibləri Avropada keçirəcəyimiz oyunlara komandamızla birgə gedəcək. Müsabiqəyə qoşulmaq üçün:
1. Misli Premyer Liqasının 2022-23-cü illər mövsümünün sonuna qədər oyunlarımıza gəlin.
2. Oyundan selfinizi çəkib, aşağıdakı qeydiyyat formasına əlavə edərək bizə göndərin.
3. Qeydiyyat hər oyundan sonra 24 saat ərzində doldurulub, göndərilməlidir.
Qeyd: Selfi verilmiş nümunəyə uyğun olmalıdır. Fotoda həm siz, həm də meydança aydın görünməlidir.
Müsabiqəyə mövsümün sonunda yekun vurulacaq və müsabiqə şərtlərinə tam əməl edən iştirakçılar arasından 3 nəfər qalib seçiləcək".
