“Oyunun çətin keçəcəyini bilirdik, yaxşı hazırlaşmışdıq”.
Sportinfo.az xəbər verir ki, bunu “Sivasspor”un sol cinah müdafiəçisi Uğur Çiftçi Avropa Liqasının qrup mərhələsində “Qarabağ”la keçirilən oyun barədə danışarkən deyib.
“Qarabağ” üzərində 3:2 hesablı qələbə qazanan “Sivasspor” xallarının sayını 6-ya çatdırıb. 28 yaşlı futbolçu “Başakşəhər Fatih Terim” stadionundakı görüşdən sonra yerli mətbuata fikirlərini bildirib:
“Matçın gedişində sürəti artırdıq. İnşallah, qarşıdakı oyunlarda da qələbə qazanaraq yolumuza davam edərik. Çatışmazlıqlarımız var idi.
Ancaq meydana çıxan futbolçular yüksək səviyyədə çıxış etdilər. Hazırda kollektivlə birgə olmayan komanda yoldaşlarımız da döndüyü zaman daha güclü olacağıq”.
