.jpg)
“Ferentsvaroş”dan təklif alan Kvabena Ovusu elə bu ay “Qarabağ”ı tərk edə bilər.
Macarıstan klubunun baş məşqçisi Stanislav Çerçesov qanalı forvardı daha tez sərəncamında görmək istəyir.
Yerli “Nemzeti Sport” nəşri Sportinfo.az-ın yaydığı xəbəri təsdiqləyib. Macar həmkarlarımız verdiyimiz informasiyanı doğrulayaraq, bu keçidin ağdamlılara 300 min avro (552 min manat) qazandıracağını yazıb.
26 yaşlı forvard macarlarla mövsümün sonu üçün azad agent kimi 2 illik müqaviləni razılaşdırsa da, klub onu indi heyətinə qatmaq niyyətindədir.
Bu yöndə “Qarabağ”la danışıqlar davam edir. Maliyyə şərtlərində razılıq əldə olunsa, Ovusu yaxın günlərdə “Ferentsvaroş”a qoşulacaq.
Afrikalı legioner 2020-ci ilin yanvarından “Qarabağ”ın şərəfini qoruyur. “Leqanes”dən (İspaniya) transfer olunun qanalının ağdamlılarla müqavilə müddəti mövsümün sonuna qədərdir.
“Ferentsvaroş”un rusiyalı çalışdırıcısı ona əsas heyətdə oynayacağına zəmanət verib.
Tərəflər arasında razılaşmaya görə, 1 ildən sonra 1,5 milyon avrodan yüksək məbləğə transfer təklifi gələrsə, Budapeşt təmsilçisi Ovusunun önündə “yaşıl işıq” yandıracaq.
SPORTİNFO.AZ
