«Neftçi» yeni mövsüm daha iddialı heyət quracaq.
Bu barədə redaksiyamıza SOCAR rəhbərliyinə yaxın mənbələrdən maraqlı informasiya daxil olub.
Bildirilib ki, son illərdə aparılan transfer siyasəti və komandanın çıxışı geniş şəkildə təhlil edilib.
İdarəçilikdəki neqativ məqamlar incələnib. Habelə hərtərəfli tədbirlər planının işlənməsi barədə ümumi razılıq əldə olunub.
Buna əsasən, əsas komandayla əlaqəli qərarlar mərkəzləşdirilmiş şəkildə veriləcək.
İdman direktoru Yens Andersonun səlahiyyətləri artırılıb. İsveçli funksioner gələn və gedən futbolçular barədə son rəyi verəcək şəxs statusuna qalxıb.
Ən maraqlı mövqe transfer büdcəsi ilə əlaqədardır. Yeni oyunçuların alınmasına ortalama 15-16 milyon manat vəsait ayrılmasına dair fikir birliyi yaranıb.
Qiymət siyasətini müəyyənləşdirmək də idman direktoruna həvalə olunub.
SPORTİNFO.AZ
