Bu gün Azərbaycan Premyer Liqasının X turuna start veriləcək.
“Neftçi” ikinci dövrənin açılış matçında “Səbail”in qonağı olacaq.
Bayıl təmsilçisi rəqbini çempionatda sonuncu dəfə 4 il 8 ay əvvəl məğlub edib. “Dənizçilər” 2019-cu ilin fevralında “ağ-qaralar”a səfərdə qalib gəlib.
Həmin vaxtdan bəri komandalar arasında 17 qarşılaşma baş tutub ki, bunun 12-də “Neftçi” qələbə qazanıb, 5-də bərabərlik qeydə alınıb.
Ümumiyyətlə, “Səbail” tarixi ərzində “Neftçi”ni cəmi 2 dəfə məğlub etməyi bacarıb. Bunun birincisi komandalar arasında 2017-ci ildə keçirilən qarşılaşmaya təsadüf edib.
“Neftçi“ bu qarşılaşmaya həsr olunan promo video hazırlayıb. Kadrda dərman qəbul edən şəxs öz əksini tapıb. Görüntülər sosial şəbəkələrdə birmənalı qarşılanmayıb.
Azarkeşlərlə yanaşı, komandanın kapitanı Emin Mahmudov da buna biganə qalmayıb. Yarımmüdafiəçi paylaşımın altındakı şərh bölümündə bir neçə sual işarəsi yerləşdirib.
SPORTİNFO.AZ
