“Mən orada kimisə təhqir etməmişəm“.
Bu sözləri Sportinfo.az-a açıqlamasında “Neftçi“nin məşqçisi Sənan Qurbanov deyib.
Məlum olduğu kimi, AFFA İntizam Komitəsi "Neftçi"nin iki məşqçisi ilə bağlı qərar verib.
“Neftçi” –“Qarabağ” oyununun 83-cü dəqiqəsində Adrian Mutunun köməkçisi Sənan Qurbanov hakimin qərarına etiraz etdiyinə görə birbaşa qırmızı vərəqə alıb.
O. 1-i şərti olmaqla 2 oyun cəzalanıb. 3 aylıq sınaq müddəti təyin olunub, Klub isə 1500 manat cərimə edilib.
Qurbanov hadisənin nəyin üstündə baş verdiyini söyləyib:
“Mən Lukas Melanonun epizoduna əsəbiləşdim. Çünki baş hakim topa zərbə endirən argentinalı hücumçumuza sarı vərəqə göstərdi.
Bu qərarın doğruluğuna əmin deyildim, içimdə qeyri-müəyyənlik var idi. Ona görə də yan xətt hakiminə yaxınlaşıb, öz narazılığımı aqressiv şəkildə bildirdim.
Qaydalara görə bu, olmaz. Texniki zonadan kənara çıxdığım üçün belə cəza aldım“.
