"Spartak"ın müdafiəçisi Leon Klassenin "Neftçi"yə keçməkdən imtina etməsinin səbəbi məlum olub
23 yaşlı arxa xətt oyunçusu yay transfer pəncərəsində Azərbaycan klubundan təklif alıb.
Bu ilin iyul ayında "Spartak"la əməkdaşlığa başlayan paytaxt təmsilçisi Moskva klubunun futbolçusu ilə icarə müqaviləsi bağlamaq istəyib. Lakin Leon "ağ-qaralar"a keçmək variantını dəyərləndirməyib.
O, Avropaya qayıtmaq, ən pis halda Almaniyaya dönmək ümidi ilə gözləmə mövqeyi sərgiləyib. Hərçənd "Neftçi" ona kifayət qədər yüksək - 400 min avro civarında illik ödəmə təklif edib.
Əgər bu dəvəti geri çevirməsəydi, bakılılar gələn ilin yayında transfer hüququna da yiyələnmək haqqı qazanacaqdı. Bunun üçün "Spartak" çox yox, yarım milyon avro təzminat almaqla kifayətlənəcəkdi.
Rusiya və Almaniya vətəndaşlığı olan Klassen 2022-ci ildən "Spartka"da çıxış edir.
Almaniyada dünyaya gəlmiş Leon “1860 Münhen” və “Tirol”da oynadıqdan sonra 2022-ci ildə “Spartak”a keçib. Onun moskvalılarla müqaviləsi 2025-ci il iyunun 30-na qədərdir.
SPORTİNFO.AZ
