Uels yığmasının baş məşqçisi Rayan Giqqz yerli mətbuata açıqlama verib.
Sportinfo.az xəbər verir ki, 47 yaşlı mütəxəssis komandasının AVRO-2020-nin seçmə mərhələsindəki çıxışına da münasibət bildirib:
“Yüksək səviyyədə futbol oynamaq lazım olduqda bunu etdik. Səfərdə Azərbaycan və Slovakiyaya qarşı yaxşı çıxış etdik. Fiziki cəhətdən güclənmək və uğurlu nəticə qazanmaq lazım olduqda bunu bacardılar – evdə Xorvatiya və Macarıstana qarşı. Onlar bunu edəcəklərinə inandılar, nəticədə reallaşdırdılar”.
Azərbaycan, Xorvatiya, Slovakiya və Macarıstanla eyni qrupda çıxış edən Uels ikinci yeri tutaraq AVRO-2020-nin final mərhələsinə adlayıb.