Belçikanın qapıçısı Qaetan Kuke AVRO-2024-ün seçmə mərhələsi çərçivəsində F qrupunda Azərbaycanla keçiriləcək oyun üçün yığmaya cəlb edilə bilər.
Sportinfo.az xəbər verir ki, "Mexelen"in futbolçusu yığma komandanın çalışdırıcısı Domeniko Tedeskonun ilkin siyahısında özünə yer edib. Belçikalı həmkarlarımız bu cür yazıb:
"Kuke Azərbaycanla matçda milliyə dəvət edilə bilər. Əgər Kuke qarşıdakı oyuna dəvət edilsə, bu, onun 3 ildən sonra milliyə ikinci çağırışı olacaq.
Belçika yığmasının Azərbaycanla görüş üçün yekun heyəti gələn həftə açıqlanacaq.
Belçika - Azərbaycan matçı noyabrın 19-da Brüsseldə, “Kral Boduen” stadionunda keçiriləcək. Oyuna Bakı vaxtı ilə saat 21:00-da start veriləcək.
