.jpg)
"Komanda olaraq baxımlı oyun sərgilədik".
Sportinfo.az xəbər verir ki, bunu Azərbaycan millisinin yarımmüdafiəçisi Eddi İsrafilov "FIFA series - Edition 2024" layihəsi çərçivəsində Bolqarıstanla keçirilən matç barədə danışarkən deyib.
O, oyun barədə təəssüratlarını bölüşüb:
"Nəticə sərgilədiyimiz oyunu əks etdirmir. Çünki matç ərzində çoxsaylı qol şanslarımız oldu. Amma bu, futboldur. 1:1 hesabı ilə barışmalıyıq.
31 yaşlı yarımmüdafiəçi millinin çıxışı barədə danışıb:
"Hər iki yoldaşlıq matçını yaxşı keçirdik. Monqolustana qalib gəldik, Bolqarıstan yığması ilə heç-heçə etdik.
İyunda bizi növbəti oyunlar gözləyir. Həmin matçlarda da sərfəli nəticələr qazanmağa çalışacağıq".
Tofiq Bəhramov adına Respublika stadionunda gerçəkləşən Azərbaycan - Bolqarıstan oyunu 1:1 hesabı ilə başa çatıb.
