"Oyun planı olaraq iki fərqli hissə izlədik.
Son nöqtəni qoymaq, nəticəni qazanmaq kasadlığı davam edir.
Oyun ağlı olaraq "İQ" səviyyəsində problemlər davam etməkdədir".
Bu sözləri Sportinfo TV-nin aparıcı-eksperti Elçin Cəfərov 1:1 hesabı ilə başa çatan Azərbaycan-Bolqarıstan qarşılaşması barədə danışarkən deyib.
Azərbaycan millisi Bakıda təşkil olunan “FIFA series - Edition 2024” layihəsində növbəti oyununu keçirib.
Yığma Bolqarıstan ilə üz-üzə gəlib. Tofiq Bəhramov adına Respublika stadionunda reallaşan qarşılaşma heç-heçə başa çatıb - 1:1.
59-cu dəqiqədə qonaqların heyətində Filip Krastev hesabı açıb. 87-ci dəqiqədə Musa Qurbanlı tarazlığı bərpa edib.
Azərbaycan ilk matçında Monqolustana, Bolqarıstan isə Tanzaniyaya 1:0 hesabı ilə qalib gəlib.
Tanınmış jurnalist qeyd edib ki, millidə potensial var, ancaq onu açmaq üçün strateq düşünmək lazımdır.
VİDEONU BU LINKƏ DAXİL OLARAQ İZLƏYİN: