.jpg)
Bolqarıstan yığmasının baş məşqçisi İlian İliyev FİFA seriyalı mini-turnirdə Tanzaniya (22 mart) və Azərbaycan (25 mart) komandalarına qarşı Bakıda keçiriləcək oyunlarla bağlı fikirlərini bölüşüb.
Sportinfo.az xəbər verir ki, "Gong.bg" portalına danışan bolqar mütəxəssis milli komandamızla eyni səviyyədə olduqlarını söyləyib:
"Artıq on dəfə demişəm ki, bizimlə eyni səviyyədə olan Azərbaycana qarşı oynamaq ekzotika deyil. Tanzaniya Afrika Millətlər Kubokunun iştirakçısı olub.
Zəif komandalarla oyunlar üçün səfərə çıxdığımız illüziyası yaratmağa ehtiyac yoxdur. Səviyyəmizdən aşağı olan komandalara qarşı oynayacağımızı düşünərək oyunlara çıxmamalıyıq.
Əvvəlki matçlardan daha yaxşı oyun görmək istəyirəm. Aydındır ki, biz Millətlər Liqasına hazırlaşırıq. Buradakı komandalar təxminən eyni səviyyədədir.
İyun ayında bizdən daha yaxşı komandalarla (Rumıniya və Sloveniya) matçlarımız olacaq, çünki onlar Avropa çempionatında oynayacaqlar.
Bizə güclü komandalara qarşı oynamaq təklifləri var idi, amma Fransa və İngiltərə ilə matçlarda müdafiə olunacaqdıq, topa nəzarət etməyəcəkdik. Bizimlə eyni səviyyədə olan komandalarla oynamaq xoşdur".
