![“Sumqayıt”ın estoniyalı hücumçusu: “Təəssüf ki...”](https://www.sportinfo.az/media/2024/02/12/17074833394277448578_1200x630.jpg)
“Son seçmə mərhələdə bizə rəqib olan Azərbaycan və İsveçlə yenidən qarşılaşacağıq. Artıq hər iki komandanı daha yaxşı tanıyırıq”.
Sportinfo.az xəbər verir ki, bu sözləri AZƏRTAC-a açıqlamasında Estoniya millisinin və “Sumqayıt”ın hücumçusu Erik Sorqa UEFA Millətlər Liqasının püşkatmasını dəyərləndirərkən deyib.
24 yaşlı forvard çətin qrupa düşdüklərini bildirib:
“Təəssüf ki, qrupumuzda yeganə yeni komanda Slovakiya seçməsidir. Çox istəyərdim ki, fərqli yığmalarla qarşılaşaq.
Amma əlimizdə olan budur. Çətin də olsa, mübarizə aparacağıq. Ruhdan düşmürük”.
Azərbaycan yığması Millətlər Liqasının C Divizionunda İsveç, Slovakiya və Estoniya seçmələri ilə birlikdə 1-ci qrupda yer alıb.