AFFA aşağı yaş qrupları üzrə millilərin baş məşqçi postunda yerdəyişmələr edib.
Belə ki, U-18-in çalışdırıcısı Elxan Abdullayev U-19-a təyinat alıb.
17 yaşlılarla işləyən Füzuli Məmmədov burada onu əvəzləyib.
15 və 16 yaşlılardan ibarət komandaların sükanı arxasında dayanmış İlham Yədullayev U-17-yə keçib. U-19-dan ayrılan Aqil Nəbiyevə U-15 və U-16 tapşırılıb.
Federasiya onlarla 3 aylıq müqavilə imzalayıb. Bu anlaşma martın sonunadək qüvvədə qalacaq.
Belə qısamüddətli sövdələşmənin səbəbi AFFA-nın özündəki qeyri-müəyyənliklə bağlıdır. Belə ki, gələn ay qurumda hesabat-seçki konfransı keçiriləcək və növbəti 4 ildə AFFA-ya rəhbərlik edəcək prezident seçiləcək.
Böyük ehtimalla, Rövnəq Abdullayev 2008-ci ildən başında dayandığı təşkilatla vidalaşacaq.
SPORTİNFO.AZ