Minifutbol üzrə Azərbaycan milli komandası qarşıdan gələn Bosniya və Herseqovinada keçiriləcək Avropa çempionatına son hazırlıq planlarını müəyyənləşdirib.

Sportinfo.az xəbər verir ki, Elşad Quliyevin rəhbərlik etdiyi kollektiv aprelin 23-dən Monteneqroda bir həftəlik təlim-məşq toplanışı keçəcək, daha sonra aprelin 30-dan mayın 1-dək Podqoritsada keçiriləcək beynəlxalq turnirdə iştirak edəcəklər.

Burada Monteneqro, Rumıniya, Albaniya və Bosniya və Herseqovina millilərinin də iştirakı gözlənilir.

Qeyd edək ki, Avropa çempionatı iyunun 1-dən 9-dək Sarayevoda keçiriləcək.