.jpg)
Sportinfo.az xəbər verir ki, Azərbaycan millisinin AVRO-2024-ün seçmə mərhələsinin Belçika və İsveçlə oyunları üçün heyəti açıqlanıb.
Maraqlıdır ki, adı siyahıda olan və yerli çempionatda oynayan milli üzvlərindən ikisi son turda meydana çıxmayıb
. Onlardan biri Rahil Məmmədovdur. Lakin onun adı "Qarabağ" - "Səbail" görüşünün iştirak ərizəsində olub və müdafiəçi sona qədər ehtiyat skamyada oturub.
Digər futbolçu isə Aleksey İsayevdir. 28 yaşlı futbolçunun adı isə ümumiyyətlə, Premyer Liqanın 13-cü turunun "Turan Tovuz" – "Sabah" görüşünün iştirak ərizəsinə daxil edilməyib.
Araşdırmamızdan sonra məlum olub ki, İsayev zədəlidir. O, sonuncu dəfə 12-ci turun “Zirə” ilə (0:1) görüşündə oynamış və ikinci yarıda yerini Ayaz Quliyevə vermişdi.
Sportal.az-a daxil olan məlumata görə, İsayev zədəli halda yığmaya cəlb edilib. Hətta futbolçunun məşq etmədiyi və zədəsini sağaltmaqla məşğul olduğu bildirilir.
Maraqlıdır ki, futbolçu zədəli ola-ola Canni De Byazinin Belçika və İsveçlə görüşlər üçün siyahısına necə daxil edilib?
Görünən budur ki, ölkə çempionatının matçlarını daim izlədiyini bildirən Canni De Byazinin 13-cü turda meydanda belə olmayan İsayevin son durumundan xəbəri də yoxdur.
Azərbaycan millisi noyabrın 16-da Bakıda İsveçi qəbul edəcək. Üç gündən sonra isə Belçikanın qonağı olacaq.
