Almaniya II Bundesliqasında çıxış edən "Nürnberq"in azərbaycanlı hücumçusu Mahir Emreli zədələnib.
Sportinfo.az klubun rəsmi saytına istinadən xəbər verir ki, 31-ci turda keçirilən "Fortuna" ilə matçda 28 yaşlı futbolçu bilək sümüyündən zədə alıb.
Hazırda zədə cərrahi müdaxilə olmadan (konservativ üsulla) müalicə olunur. Emreli xüsusi hazırlanmış şinlə məşqlərə və oyunlara qatıla biləcək.
Mahir 3:3 hesabı ilə yekunlaşan "Fortuna" ilə matçda komandasının 2-ci qolunu vurub.
.jpg)
