“Təəssüf ki, işlərimlə bağlı komandalarımızın avrokubok oyunlarını izləyə bilmədim. Qələbə münasibətilə təbrik edirəm”.
Sportinfo.az xəbər verir ki, bu sözləri Neftçi”nin sabiq baş məşqçisi Samir Abasov deyib.
Mütəxəssis Azərbaycanı Avropada təmsil edən dörd kluba uğurlar arzulayıb:
“Mən təmsilçilərimizə inanıram. Onların hamısı əsas mərhələyə vəsiqə qazanacaqlar”, - deyə o sportnet.az-a açıqlamasında deyib.
“Sabah” Çempionlar Liqasında, “Qarabağ” Avropa Liqasında, “Zirə” və “Neftçi” isə Azərbaycanı Konfrans Liqasında təmsil edir.
Hazırda işsiz olan Samir Abasov son olaraq “Neftçi”yə başçılıq edib.
