Belçika millisinin baş məşqçisi Roberto Martines bu il Qətərdə keçiriləcək dünya çempionatındakı favoritlərini açıqlayıb.
Sportinfo.az xəbər verir ki, Martines favorit kimi gördüyü 8 milli komandanın adını çəkib:
“Bu komandaların adlarını çəkmək istəyirəm: Belçika, Fransa, Xorvatiya, İngiltərə, İspaniya, Almaniya, Argentina və Braziliya. Ancaq bu komandalardan hansının uğur qazanmaq üçün şansının daha çox olduğunu dəqiq deməyəcəm”.
Qətərdəki dünya çempionatı noyabrın 20-dən noyabrın 18-dək keçiriləcək. DÇ-nin son qalibi Fransa yığmasıdır.
Belçika millisi Kanada, Mərakeş və Xorvatiya ilə eyni qrupda mübarizə aparacaq. Belçikalılar ilk oyunda noyabrın 23-də Kanada millisi ilə qarşılaşacaq.
