Ağır Atletika üzrə Azərbaycan milli komandası İrəvanda keçiriləcək Avropa çempionatında iştirak edəcək.
Bu barədə Sportinfo.az-a Azərbaycan Ağır Atletika Federasiyasından məlumat verilib.
Bildirilib ki, Nazilə İsmayılova (45 kq), İsa Rüstəmov (67 kq), Ömər Cavadov (73 kq), Əli Şükürlü (102 kq) İrəvanda keçiriləcək turnirə qatılacaq.
Sözügedən turnir 15-23 aprel tarixlərində baş tutacaq.
