Azərbaycanın məşhur idmançısı vitse-prezident təyin olundu - VİDEO+FOTO

26 İyul 2021 00:56 Digər növlər 1 227
Azərbaycanın məşhur idmançısı vitse-prezident təyin olundu - VİDEO+FOTO

Azərbaycan Kikboksinq Federasiyasında yeni təyinat reallaşıb.

Sportinfo.az xəbər verir ki, dünya və Avropa çempionu Ramal Aslanov Azərbaycan Kikboksinq Federasiyasının vitse-prezidenti vəzifəsinə təyin olunub.

Təyinat AKF-nın fəxri prezidenti, İdarə Heyətinin Sədri, Milli Məclis Sədrinin müavini Adil Əliyev və AKF-nın prezidenti Orxan Əliyev tərəfindən rəsmiləşdirilib.

Peşəkar kikboksinqdə “Lord” ləqəbi ilə tanınan Ramal Aslanov Əməkdar idman ustası, Azərbaycan Prezidenti mükafatçısıdır.

O, 11 dəfə Azərbaycan çempionu, 2019-cu ildə WAKO dünya çempionu, FF (Faith Fight) Qran Pri dünya kəmərinin sahibidir (2016-2018).

Ramal Aslanov hazırda həmçinin milli komandanın kapitanı və AKF İdarə Heyətinin sədr müavinidir.

Digər Xəbərlər
Xəbər Lenti